اسلام آباد(مانیٹرنگ ڈیسک )ملتان پولیس نے عیدالفطر پر مساجد،امام بارگاہوں ،عیدگاہوں اور قادیانیوں کی عبادت گاہوں کی سکیورٹی انتظامات کوحتمی شکل دیدی۔1143مساجد ،امام بارگاہوں میں سے 325کو حساس قراردیدیاگیا۔پولیس ذرائع کے مطابق ملتان میں عیدالفطر کے اجتماعات میں سے 19کھلے میدانوں میں ،62امام بارگاہوں،4قادیانی عبادتگاہوں سمیت 1143عیدگاہوں کی سکیورٹی انتظامات مکمل کرلیے گئے ہیں۔اس سلسلے میں 325مساجد ،عیدگاہوں کوحساس قراردیکر اے کیٹیگری میں رکھا گیا ہے۔تمام حساس عیدگاہوں پر ایک تھانیدار اورکانسٹیبل تعینات ہونگے جبکہ دیگر عیدگاہوں پر ایک مسلح کانسٹیبل موجودرہے گا۔پولیس کے 1500سے زائد افسران واہلکاران مساجد ،امام بارگاہوں اور عیدگاہوں پرتعینات ہونگے جبکہ عیدالفطر کے موقع پر تفریحی مقامات ،پارکوں کے علاوہ قبرستانوں میں بھی سکیورٹی ڈیوٹی موجودرہے گی۔