اسلام آباد (این این آئی )افغان مہاجرین کے قیام کیلئے6مہینے کی توسیع کے بعدایک اور اعلان،پاکستان تین سال تک افغان مہاجرین کو کیا فراہم کریگا؟تفصیلات جاری،پاکستان خیر سگالی کے طور پر تین سال کیلئے افغانستان جانے والے مہاجر کیمپوں میں رہنے والے لوگوں کو گندم فراہم کرے گا۔ وزیراعظم نواز شریف نے پاکستان میں افغان مہاجرین کی قیام کی مدت میں چھ مہینے کا اضافہ کیا ہے ۔ افغان مہاجرین کو نادرا کی جانب سے پاکستان میں رہنے کیلئے کارڈ کی مد ت جون 30 کو ختم ہونیوالی تھی ۔ وزیراعظم ہاؤس کی جانب سے بدھ کو جاری ہونیوالے بیان میں کہا گیا کہ مہاجرین اب پاکستان میں 31 دسمبر 2016 تک قیام کر سکتے ہیں ۔ بیان میں سرحدی امور کی وزار ت سے کہا گیا ہے کہ وہ اقوام متحدہ کے ادارے برائے مہاجرین اور افغان حکومت کے ساتھ افغان مہاجرین کے کیمپوں کو افغانستان منتقل کرنے کیلئے مذاکرات شروع کرے ۔