پشاور (مانیٹرنگ ڈیسک)دہشت گردی کے خطرات کے پیش نظر پولیس اہلکاروں کی چھٹیاں منسوخ کرنے کا فیصلہ کیا ہے ۔ ریلوے پولیس نے پہلے سے ہی عید الفطر کے لئے ریلوے پولیس کی چھٹیاں منسوخ کردی گئی ہے ۔ جبکہ اب خیبر پختونخوا پولیس کی چھٹیاں بھی منسوخ کی جا رہی ہے ۔ عید الفطر پر امن وامان کی صورتحال کے پیش نظر پولیس اہلکاروں کی چھٹیاں تین دن کے لئے منسوخ کی جا رہی ہے ۔ اورعیدالفطر پر حساس اضلاع میں دہشت گردی کے خطرات کے پیش نظر اضافی پولیس نفری بھی تعینات کردی جائیگی ۔ تاکہ کسی قسم کا کوئی نا خوشگوار واقعہ رونماء نہ ہو سکے ۔ عید الفطر سپیشل برانچ ، ایف آر پی پولیس ، کیپٹل سٹی پولیس سمیت تمام اضلاع کے پولیس اہلکاروں کی چھٹیاں منسوخ کر دی جائیگی ۔ قانون نافذ کرنے والے اداروں کے تحفظات کے بعد پولیس اہلکاروں کی چھٹیاں منسوخ کرنے کی سفارشات کی گئی ہے ۔ او رآئی جی خیبر پختونخوا کی جانب سے عید الفطر پر چھٹیوں کی منسوخی کا اعلان آئندہ چند روز میں کر دیا جائے گا ۔