لاہور(این این آئی )وفاقی وزیر دفاعی پیداوار سائنس و ٹیکنالوجی رانا تنویر حسین نے کہا ہے چوہدری نثار کوئی فاروڈ بلاک نہیں بنا رہے میاں نواز شریف ہی ہم سب کے لیڈر ہیں ۔یو سی چیئرمین چوہدری ارشد ورک کے ڈیرہ اور چیئرمین مارکیٹ کمیٹی چوہدری خضر رزاق ریحان ، چوہدری اورنگزیب ریحان ایڈووکیٹ کی رہائش گاہ پر میڈیا سے گفتگو کارکنوں سے خطاب کرتے ہوئے انہوں نے کہا چوہدری نثار میاں نواز شریف کو اپنا لیڈر مانتے ہیں فارورڈ بلاک کی باتیں کرنے والے خدا کا خوف کریں افوا ہوں کی سیاست اور دھرنوں نے پہلے ہی بہت نقصان کیا ہے ۔انہوں نے کہا کراچی کے حالات خراب کرنے میں بہت سی قوتیں ملوث ہیں حکومت آہنی ہاتھوں سے نہ صرف روکے گی بلکہ منتخب اور جمہوری وزیر اعلیٰ قائم علی شاہ کی بھر پور حمایت اور مدد جاری رکھے گی ۔انہوں نے کہا امریکہ نے گو کہ ایف سولہ ہمیں نہیں دئیے اسکے تعلقات ختم نہیں ہو سکتے کیونکہ دہشت گردی کیخلاف اسے بھی معلوم ہے پاکستان کے بغیر وہ جنگ جیت نہیں سکتا۔ انہوں نے کہا بھارت کیساتھ مستقبل میں جنگ کی باتیں کرنے والے شائد پاک فوج کی طاقت اور عوام کے جذبے کو جانتے نہیں وہ دعویٰ کرتے ہیں کہ بھارت پاکستان سے کبھی بھی کسی بھی مجاز پر جنگ نہیں کرے گا اسے معلوم ہے پاکستان کا مقابلہ کرنا اس کے بس کی بات نہیں رہی ۔انہوں نے کہا پاک فوج اور حکومت سی پیک منصوبہ کی تکمیل پاکستان کی خوشحالی اور جمہوریت کے استحکام کیلئے ایک ہے بھارت کے نا قابل تردید دہشت گردی اور مداخلت کے ثبوت موجود ہیں دنیا کو اس سے آگاہ بھی کر دیا ہے پاکستان کی سفارتی اور خارجہ پالیسی کی کامیابی ہے کہ پاکستان شنگھائی تعاون تنظیم کا رکن بنا بھارت کو منہ کی کھانا پڑی ۔انہوں نے کہا عمران خان کی کشتی ڈبونے کیلئے جھوٹ اور منافقت پر مبنی باتیں کرنے والا شیخ رشید ہی کافی ہے عمران خان دھرنوں ورنوں کی سیاست میں ناکام ہو چکے ہیں نا کامی اسکا مقدر عید سے پہلے بھی تھا بعد میں بھی ہے۔