کراچی(آن لائن) ممتاز سماجی کارکن عبدالستار ایدھی کے صاحبزادے فیصل ایدھی نے کہا ہے کہ پیر کو ایس آئی یو ٹی میں عبدالستار ایدھی کا آپریشن ہو گا،قوم سے دعا کی اپیل ہے۔عالمی سطح پر تسلیم شدہ ممتاز سماجی کارکن ،ایدھی فاونڈیشن کے سربراہ اور پاکستان کی ہر دلعزیز شخصیت عبدالستار ایدھی گردوں کے اسپتال میں زیر علاج ہیں، پیر کو گردوں کے علاج کے ماہر اور سندھ انسٹیٹیوٹ آف یورولوجی اینڈ ٹرانسپلاٹیشن کے سربراہ ادیب رضوی کی سربراہی میں ماہر سرجن کی ٹیم عبدالستار ایدھی کا آپریشن کرے گی۔عبدالستار ایدھی کے صاحبزادے فیصل ایدھی نے پوری قوم سے درخواست کی ہے عبدالستار ایدھی کی صحت یابی اور آپریشن کی کامیابی کیلئے خصوصی دعا کی جائے۔ اْن کا ایس آئی یو ٹی میں آپریشن ہو نے جا رہے ہیں ہم ملتمس ہیں کہ آپریشن کی کامیابی کے لیے دعا کی جائے۔فیصل ایدھی نے مزید بتایا کہ آصفہ بھٹو زرداری عیادت کے لیے آئی تھیں انہوں نے ایدھی کے صاحب کے علاج ومعالجے کی پیش کش بھی تھی ،رحمن ملک صاحب بھی ایسی آفر دے چکے ہیں اور میڈیا کے ذریعے ملک ریاض کی جانب سے بھی علاج کی پیشکش موصول ہوئی تھی، ہم ان سب کے شکر گزار ہیں تا ہم ایس آئی یو ٹی میں ہونے والے علاج سے مطمئن ہیں اور ڈاکٹر ادیب رضوی ہمارے خاندان کے ایک فرد کی طرح ہیں۔ممتاز سماجی کارکن عبدالستار ایدھی ایک سادہ منش آدمی ہیں جنہوں نے اپنی پوری زندگی انسانیت کی خدمت میں وقف کردی ، اْن کا ایمبولینس نیٹ ورک سے سے وسیع، جامع اور متحرک ہے،کراچی کا سرد خانہ ہو، ذہنی امراض میں مبتلا افراد کے علاج کے مردوں اور عورتوں کا علیحدہ علیحدہ اسپتال ہو یا پھر لا وارث بچوں کی پرورش و دیکھ بھال کا معاملہ ہو ایدھی فاونڈیشن ہی ہر ایک کا آسرا بنتا نظر آتا ہے۔