کراچی(این این آئی)متحدہ قومی موومنٹ کے سینئرڈپٹی کنوینراورقومی اسمبلی میں پارٹی کے پارلیمانی لیڈرڈاکٹرفاروق ستارنے حکومت سے مطالبہ کیاہے کہ دہشت گردوں کے مذموم عزائم ناکام بنانے کیلئے فنکاروں کومکمل سیکوریٹی فراہم کی جائے ۔ اپنے ایک بیان میں ڈاکٹرفاروق ستارنے کہاکہ بین الاقوامی شہرت یافتہ اورممتاز صوفی قوال حضرت امجدصابری کوجس طرح دن دہاڑے بیدردی سے شہیدکیاگیاہے اس کے بعد کراچی کے فنکاروں میں بھی سخت بے چینی پائی جاتی ہے اور وہ بھی اپنے آپ کوغیرمحفوظ تصورکررہے ہیں۔ انہوں نے کہاکہ حکومت سندھ کے تمام تردعووں کے باوجود کراچی میں امن وامان کی صورتحال بہت خراب ہے اوربے گناہ لوگوں کونشانہ بنایاجارہاہے، شہرمیں چیف جسٹس سندھ ہائیکورٹ کے بیٹے کے اغواکے بعدامجدصابری کی شہادت اورٹارگٹ کلنگ کے واقعات نے قیام امن کے تمام دعووں کی قلعی کھول دی ہے ۔ ڈاکٹرفاروق ستارنے حکومت سے مطالبہ کیاکہ فنکاروں اورشہرکے تمام عوام کومکمل تحفظ فراہم کیاجائے اورشہرمیں قیام امن کے لئے بھرپوراقدامات کئے جائیں ۔