مظفرآباد(آن لائن)وادی نیلم چانگن کارہائشی وحید میر بااثر شخص کے ظلم سے تنگ آکر میڈیا کے پاس فریاد لیکر پہنچ گیا،ن لیگ چھوڑنا عذاب بن گئی ،مسلم لیگی راہنما خواجہ محمد مقبول نے جینا محال کردیاہے ، قتل کی سنگین دھمکیاں دینے لگا، انسپکٹر جنرل پولیس تحفظ فراہم کریں ، مجھے یا میرے گھر بار کوئی نقصان پہنچے تو اس زمہ دار خواجہ مقبول ہے ۔گزشتہ روز وادی نیلم کے نواحی علاقہ چانگن کے رہائشی نے مظفرآباد میں میڈیا کوداستان سناتے ہوئے کہاکہ مسلم لیگ ن چانگن کارہائشی نام نہاد لیڈر بنا بیٹھا ہے ، جس نے زبردستی مسلم لیگ ن میں شال کیاتھا تاہم پی ٹی آئی میں شامل ہونے پر جان کادشمن بن گیا، ارباب اختیارسے تحفظ کی اپیل کرتے ہیں وحید میر نے میڈیا کوبتایا کہ خواجہ مقبول کہتاہے کہ ن لیگ چھوڑ کر جاؤ گئے کہاں ،زمین کے نیچے کردوں گا۔لیگی کارکن مقبول نامی شخص کی غریب شہریوں کودھمکیاں ، گزشتہ روز چانگن کے رہائشی تحریک انصاف کے رکن محمد وحید میر ، دلاور میر ، اشرف میر ، سعید میر ، قاضی میر اور نوشروان میر نے میڈیا کوبتایا کہ چانگن میں مقبول نامی شخص جو ن لیگ کا کارکن ہے نے ن لیگ چھوڑنے پر زندگی اجیرن بنادی ہے نوجوان راہنماؤں نے ڈی سی نیلم سے مطالبہ کیاہے کہ مذکورہ شخص نے جمہوریت کے نام پر ہمیں چانگن میں رہنا بھی محال کردیاہے ۔ خواجہ مقبول کیخلاف قانونی کارروائی کرتے ہوئے ہمیں تحفظ فراہم کیاجائے ۔