پشاور(نیوز ڈیسک) پشاور یونیورسٹی پاکستان کی پہلی پبلک سیکٹر یونیورسٹی بن گئی ہے جس نے داخلوں کے نظام کے ساتھ مینجمنٹ سسٹم کو مکمل طور پر کمپیوٹراز کرنے کے لئے باقاعدہ طور پر کام شروع کر دیا ہے۔ مذکورہ سسٹم جس کو کیمپس مینجمنٹ سلوشن اور انٹر پرائز ریسورس پلیننگ کا نام دیا گیا ہے کے ذریعے جامعہ میں ہر ایک طالب کا داخلے سے لیکر ، فیس کے نظام، امتحانات اور حاضری کو ویب پورٹل پر رکھاجائیگا جس کے ذریعے طلبہ کے حاضری ان کے والدین کے لئے میسر ہونگی اسکے علاوہ طلبہ کی دیگر مسائل و ضرروریات کو قوانین کے مطابق دفتروں کے چکر کاٹنے کی بجائے کمپیوٹر کے ایک کلک کے ذریعے حل کئے جاسکیں گے۔ اس ضمن میں جامعہ نے ان باکس ٹیکنالوجی کی خدمات لے لئے ہیں۔ پروگرام کے ذریعے ملازمین کے دیگر مسائل کو بھی آٹو میٹ کرکے ان کے حل کے لئے پوری اقدامات کئے جائینگے۔ معاہدے پر دستخط جامعہ کے ٹریژرر ڈاکٹر یورید احسن ضیاء و ان باکس کے نمائندے بلال نے وائس چانسلر جامعہ پشاور کی موجودگی میں کئے۔ اس موقع پر وائس چانسلرپروفیسرڈاکٹر محمد رسول جان نے کہا کہ طلبہ ملازمین اور پبلک کو بہترین سروس فراہم کرنا ان کی اولین ترجیح ہے اور یہی وجہ ہے جامعہ نے لیڈ لیتے ہوئے اپنے تمام عمل کو کمپیوٹرایز کئے ہیں۔