کراچی (نیوز ڈیسک) کراچی کے مختلف علاقوں میں رینجرز اور پولیس نے سرچ آپریشن کے دوران سیاسی جماعت کے کارکن سمیت 13افراد کو حراست میں لیکر بھاری تعداد میں اسلحہ برآمد کر لیا۔ذرائع کے مطابق جرائم پیشہ افراد کی موجود گی کی اطلاع پر پرانا گولیمار کے علاقوں میں سرچ آپریشن کیا گیا۔ کارروائی کے دوران پہلے سے گرفتار ملزمان کی نشاندہی پر 5 افراد کو حراست میں لیکر بھاری تعداد میں اسلحہ بر آمدکر لیا۔ گرفتار ملزمان کا تعلق لیاری گینگ وار کے گروپ بابا لاڈلہ سے ہے۔ دوسری جانب قانون نافذکرنے والے ادارے لیاری کے علاقے کھڈا مارکیٹ میں کارروائی کرتے ہوئے سیاسی جماعت کے کارکن کو حراست میں لیکر نا معلوم مقام پر منتقل کر دیا۔ لیاری آگرہ تاج میں بھی پولیس نے کارروائی کرتے ہوئے دو ملزمان کو گرفتار کر لیا۔ پولیس کے مطابق کھچی رابطہ کمیٹی سے تعلق رکھنے والے ملزموں کے قبضے سے اسلحہ بھی برآمد ہوا۔ پولیس نے عزیز آباد سے ایک مشکوک شخص کو بھی گرفتار کیا۔