واشنگٹن(نیوز ڈیسک)پاکستان نے اسلام اور مسلمانوں کے خلاف نفرت پھیلانے والے عناصر کے خلاف کارروائی پر زور دیتے ہوئے کہا ہے کہ اس پریشان کن رجحان کو روکنے کے لیے بروقت اقدامات نہ کیے گئے تو یہ علاقائی اور عالمی امن و سلامتی کے لیے خطرہ بن سکتا ہے۔ یہ بات اقوام متحدہ میں پاکستان کی مستقل مندوب ڈاکٹر ملیحہ لودھی نے پاکستانی مشن اور او آئی سی کے تحت اقوام متحدہ میں منعقدہ تقریب کے دوران کہی۔ڈاکٹر ملیحہ لودھی نے اس بات پر افسوس کا اظہار کیا کہ مغرب میں بعض غیر اصولی سیاست دانوں نے دوسرے ملکوں کے لوگوں کے خلاف نفرت اور خوف پھیلاکر اور پناہ گزینوں کے خلاف دیواریں کھڑی کرنے کے وعدے کرکے اپنی سیاست چمکائی ہے