پشاور(نیوزڈیسک)سعودی عرب ایران تنازعہ، اسفند یار ولی بھی بول پڑے،حکومت پر افغانستان میں مداخلت کاسنگین الزام بھی عائد کردیا، عوامی نیشنل پارٹی کے سربراہ اسفندیارولی خان نے ایران اورسعودی عرب کے درمیان موجودتناﺅکے خاتمے پرزوردیتے ہوئے کہا ہے کہ دونوںممالک باہمی تنازعات کو بات چیت کے ذریعے حل کریں۔منگل کو جاری بیان میں اسفندیارولی خان نے کہاکہ پاکستان دواسلامی ممالک کے درمیان فریق نہ بنے جب بھی پاکستان کسی اتحاد میںشامل ہوایافریق بناتوقوم کوخمیازہ بھگتناپڑا۔ افغانستان میں مداخلت کی وجہ سے پاکستان آج تک مشکلات کاشکارہے۔افغانستان،ہندوستان اورپاکستان کے درمیان حکومتی سطح پرامن کے قیام کےلئے کوششوں کوسبوتاژکرنےوالی قوتیں ایک بار پھرسازشوں میں مصروف ہیں ۔پارٹی کے مرکزی سیکرٹری اطلاعات زاہدخان کی طرف سے جاری کردہ بیان میں پارٹی سربراہ اسفند یار ولی خان نے پٹھان کوٹ ہندستان میں حملے اور بھارتی سفارتخانے مزار شریف افغانستان کے حملے بھی باہمی تعاون کو ختم کرنے کی کارروائیاں ہیں،تینوںممالک کی منتخب عوامی حکومتیںجراتمندی سے کام لےکر بات چیت کے ذریعے ایسالائحہ عمل بنائیں تاکہ امن کی طرف کی گئی پیش قدمی کو روکانہ جا سکے، تینوںممالک کے سربراہان کوچاہئے کہ امن کے دشمنوں کے مذموم عزائم کوناکام بنانے کےلئے مذاکرات کا عمل جاری رکھیں ۔