سلام آباد (نیوزڈیسک)نئی جماعت کی ملک کے سیاسی افق پر دھماکہ خیز انٹری،ن لیگ،پیپلزپارٹی اورتحریک انصاف کی وکٹیں لرزاُٹھیں، سابق وزیر داخلہ مخدوم سید فیصل صالح حیات نے نئی سیاسی جماعت بنانے کا فیصلہ کر لیا ہے۔ نئی سیاسی جماعت میں پاکستان پیپلزپارٹی کے متعدد رہنماو¿ں سمیت مسلم لیگ ن اورتحریک انصاف کے بھی اہم رہنماﺅںکی شمولیت کا امکان ہے۔تینوں اہم جماعتیں اپنی اپنی وکٹیں بچانے کے لئے سرگرم ہوگئیں،مسلم لیگ ن ،پیپلزپارٹی اورتحریک انصاف کی اعلیٰ قیادت نے پارٹی کے اہم رہنماﺅں کو اس سلسلے میں مزید معلومات حاصل کرنے اور پارٹی کے رہنماﺅں کو ”قابو“ میں رکھنے کے احکامات جاری کردیئے ، آن لائن کے مطابق مخدوم سید فیصل صالح حیات ملک میں نئی سیاسی جماعت بنانے کا فیصلہ کر چکے ہیں اور اس مقصد کے لئے اپنے قریبی معتمدین کے ساتھ صلاح مشوروں میں مصروف ہیں۔ نئی سیاسی جماعت کا نام پاکستان پیپلزپارٹی عوامی رکھے جانے کا امکان ہے تاہم نام بارے حتمی فیصلہ نہیں ہوا ہے۔ مخدوم سید فیصل صالح حیات سے بلاول بھٹو زرداری نے بھی رابطہ کر کے پار ٹی میں شمولیت کی دعوت دی ہے اور پنجاب کی صدارت کی پیشکش بھی کی ہے۔ نئی سیاسی جماعت کی تشکیل بارے عام انتخابات سے قبل فیصلہ کر لیا جائیگا۔ فیصل صالح حیات کا مخدوم گروپ پہلے ہی جھنگ اور چنیوٹ میں بھاری اکثریت سے جیت کر دونوں اضلاع کی چیئرمین ضلع کونسل بنانے کی پوزیشن میں آ چکا ہے۔ ذرائع نے بتایا ہے کہ سندھ کے سابق وزیر داخلہ ذوالفقار مرزا نے بھی مخدوم سید فیصل سے رابطہ کیا ہے اور نئے سیاسی اتحاد بنانے پر بات چیت کی گئی ہے۔