کراچی(نیوز ڈیسک)ڈاکٹر عاصم نے بین الاقوامی شدت پسند تنظیم القاعدہ کیساتھ روابطہ کا اعتراف کرلیا ہے ۔ یاد رہے کہ زرداری کے قریبی ساتھی تاحال رینجرز کی تحویل میں ہیں ۔انہوں نے سندھ حکومت کے تحت بنائی گئی جوائنٹ انویسٹی گیشن ٹیم کو بتایا ہے کہ انہوں نے القاعدہ ٹارگٹ کلرز اور لیاری گینگ وار کے دہشتگردوں کو طبی معاونت فراہم کی ۔جے آئی ٹی رپورٹ میں بتایا گیا ہے کہ قانون نافذ کرنیوالوں نے چھاپوں کے دوران دہشتگردوں کو ڈیٹاحاصل کیاتھا اور اب ڈاکٹر عاصم کے اعتراف کے بعد رینجرز نے دہشتگردی کے مقدمات کیلئے چالان تیار کرلیے ہیں ۔ ذرائع کا کہنا ہے کہ ڈاکٹر عاصم کی 90 روزہ تحویل 25 نومبر کوختم ہورہی ہے لیکن انہیں رہا کرنے کے امکانات نظر نہیں آرہے ۔علاوہ ازیں نیب بھی کرپشن کے درجنوں مقدمات میںملوث ہونے کی بناءپر 90 روز مکمل ہونے کے بعد ڈاکٹر عاصم کی حوالگی کی درخواست کرےگا۔ذرائع کے مطابق ڈاکٹر عاصم نے دوران تفتیش اہم شخصیات کے حوالے سے بھی انکشافات کیے ہیں ۔