اسلام آباد (نیوزڈیسک)حکومت لوگوں کو سہولت فراہم کرنے کے لئے ضلعی سطح پر مزید تہتر علاقائی پاسپورٹ دفاتر کھولے گی۔وزارت داخلہ کے ذرائع نے بتایا کہ یہ دفاتر اگلے پندرہ مہینوں کے دوران قائم کئے جائیں گے۔اس وقت ملک بھر میں 95علاقائی پاسپورٹ دفاتر کام کر رہے ہیں جو عام لوگوں کی ضروریات کو پورا کر رہے ہیں۔اسلام آباد اور راولپنڈی میں حال ہی میں پاسپورٹ گھروں پر پہنچانے کا نظام شروع کیا گیا اور اس نظام کا دائرہ کار آئندہ چار مہینوں میں پورے ملک تک بڑھا دیا جائےگااگلے سال ما چ تک پاسپورٹ کیلئے درخواست کا آن لائن نظام بھی شروع کیا جائے گا۔