اسلام آباد(نیوزڈیسک) وزیر داخلہ چوہدری نثار علی خان نے کہا ہے کہ دنیا میں دہشت گردی کے حالیہ واقعات سے غیر ممالک میں رہنے والے پاکستانیوں کےلئے مشکلات اور مسائل میں اضافہ ہو گا۔اس سلسلے میں وزارت داخلہ، وزارت خارجہ اور ایف آئی اے سے ملکر ایک ایسی پالیسی اور لائحہ عمل وضع کرے جس سے غیر ممالک میں بسنے والے پاکستانیوں سے کسی غیر قانونی سلوک پر انکی مدد کی جا سکے. ۔وزارت داخلہ کی جانب سے جاری ایک بیان میں کہاگیا کہ غیر ممالک میں رہنے والے ہم وطن پاکستان کا اثاثہ ہیں اور انہیں بلاوجہ کی مشکلات اورمسائل سے بچانا ہم سب کی ذمہ داری ہے ۔چودھری نثارنے کہاکہ دہشت گردوں کے بعد انسانی سمگلرز بیرون ملک سب سے زیادہ پاکستان کی بدنامی کا باعث ہیں. وہ انسانیت اور پاکستانیت کے نام پر دھبہ ہیں ایف آءاے اس براءکو جڑ سے اکھاڑنے کے لئے اقدامات تیز کرے اور آئندہ48 گھنٹوں میں ایک واضح لائحہ عمل وزارت داخلہ کو پیش کرے. ۔وزیر داخلہ نے اس سلسلے میں منگل کو اسلام آباد میں اعلی سطحی اجلاس طلب کر لیا۔