لاہور(نیوزڈیسک)وزیر ریلوے خواجہ سعد رفیق کا کہنا ہے کہ کراچی میں مون گارڈن کیس کا پاکستان ریلوے سے کوئی تعلق نہیں ، لوگوں سے فراڈ کرنے والوں کو سزا ضرور ملنی چاہیے۔لاہور میں میڈیا سے گفتگو میں وزیر ریلوے نے کہا کہ ریلوے کوآپریٹو سوسائٹی نے 1988 ء میں مون گارڈن کی زمین 13 لاکھ روپے میں لیز پر حاصل کی تھی، تاہم این او سی حاصل نہیں کیا۔ان کا کہنا تھا کہ مون گارڈن کیس میں ریلوے فریق نہیں ،نہ ہی اس کاریلویسیکوئی تعلق ہے ،بلڈرز نے غیرقانونی طورپرفلیٹ تعمیرکیے۔ان کا کہنا تھا کہ ریلوے کے ماہرین قانون معاملے کا جائزہ لے رہے ہیں۔ لوگوں سے فراڈ کرنے والوں کوسزا ملنی چاہیے۔