نئی دہلی (نیوز ڈیسک) بھارت میں قریباً10 سال سے رہائش پذیر پاکستانی گلوکار عدنان سمیع نے پاکستانی ہائی کمیشن کو سبز پاسپورٹ واپس کرتے ہوئے کہا ہے کہ انہین اب اس کی ضرورت نہیں ۔نئی دہلی میں پاکستانی ہائی کمیشن نے عدنان سمیع کی اس اقدام کو پاکستانی تقدس کی پامالی قراردیتے ہوئے ان سے معافی مانگنے کامطالبہ کیا ہے بصورت دیگر خبردار کیاہے کہ بطور سزا انہیں شہریت کی تنسیح کا سرٹیفکیٹ جاری نہیں کیا جائیگا۔واضح رہے کہ بھارت میں دوہری شہریت پرپابندی ہونے کی وجہ سے عدنان سمیع کو وہاں کی شہریت حاصل کرنے کیلئے اپنی پاکستانی شہریت بہر صورت منسوخ کرانا ہوگی ۔ دوسری جانب پاکستانی وزارت داخلہ کاکہنا ہے کہ جو شخص پاکستانی دستاویزات کا تقدس نہیں رکھتا اسے سرٹیفکیٹ کیسے جاری کرسکتے ہیں ۔ بھارتی حکومت نے گذشتہ ماہ عدنان سمیع کو شہریت دینے کا فیصلہ کیاتھا تاہم پاکستان کا یہ فیصلہ عدنان سمیع کے بھارتی شہریت حاصل کرنے کی راہ میں رکاوٹ بن سکتاہے ۔
مزید پڑھئیے:ریحام خان نے کس طرح پی ٹی آئی کو اپنے ذاتی اور مالی مفاد کے لئے استعمال کیا؟ تہلکہ خیز انکشافات
ریحام خان کے کمرے سے کیا نکلا ؟ ایک سینئر تجزیہ کار نے ہر راز سے پردا ہٹا دیا