اسلام آباد(نیوزڈیسک) دوسری بار منتخب سپیکر قومی اسمبلی سردار ایاز صادق کا تعلق لاہور کے کاروباری خاندان سے ہے۔ ان کے دادا 1960 ءکی دہائی میں لاہور کے ڈپٹی میئر رہ چکے ہیں۔ ان کے خاندان نے لاہور میں پہلا مسلم گرلز سکول قائم کیا سردار ٹرسٹ آئی ہسپتال لاہور میں قائم کیا۔ سردار ایاز صادق کے دادا سردار محمد نے بانی پاکستان قائداعظم محمد علی جناح کی ہمشیرہ فاطمہ جناح کی جدوجہد میں ان کا بھرپور ساتھ دیا تھا۔ ایاز صادق کی شادی 1977ءمیں سماجی کارکن ریما اعجاز سے ہوئی جو جسٹس (ر) سردار محمد اقبال کی دختر ہیں۔ سردار ایاز صادق نے ایچی سن کالج لاہور سے تعلیم حاصل کی، ہیلے کالج ا?ف کامرس سے بیچلر ان کامرس کی ڈگری لی۔ وہ اپنے کالج کی ہاکی اور کرکٹ کی ٹیموں کے ممبر رہے، لاہور جونیئر ٹیبل ٹینس کے چیمپئین بھی رہے ہیں۔ انہوں نے عملی سیاست کا آغاز 1997ءسے کیا فروری 2001ءمیں مسلم لیگ (ن) میں باضابطہ شمولیت اختیار کی۔ 2002ءمیں سابق صدر پرویز مشرف کے دور میں وہ پہلی بار قومی اور صوبائی اسمبلی کے رکن بنے۔ اس حلقہ سے 2008ءمیں بھی کامیابی حاصل کی 2013ءکے عام انتخابات کے بعد انہوں نے چوتھی بار کامیابی حاصل کی ہے جبکہ وہ دوسری بار قومی اسمبلی کے سپیکر منتخب ہوئے ہیں۔ وہ پارلیمنٹ کی تاریخ میں پہلی بار ایک ہی حکومت کے دور اقتدار میں دوبار منتخب ہونے والے سپیکر بن گئے۔
دیکھئے شیریں مزاری کی بیٹی نے پی ٹی آئی کو کس طرح بدنام کر کے رکھ دیا

مزید پڑھئیے:ذولفقار مرزا کے ایان علی اور آصف زرداری کے بارے میں تہلکہ خیز انکشافات