کراچی(نیوز ڈیسک) پاکستان کے جنوبی صوبہ سندھ کی صوبائی حکومت بلدیاتی انتخابات کے دوسرے مرحلے کے دوران ذوالفقار مرزا کو گھر میں نظر بند کرنے پر غور کررہی ہے ۔میڈیا رپورٹس کے مطابق سابق وزیر داخلہ سندھ کو ایم پی او کے تحت 19 نومبر کو ہونیوالے بلدیاتی انتخابات کے دوران نظر بند کیاجاسکتاہے ۔ ذوالفقار مرزا سے بلدیاتی انتخابات کے دوران امن وامان کی صورتحال خراب ہوسکتی ہے ۔ جس کے باعث یہ فیصلہ کیاگیا ہے ۔ ذوالفقار مرزا نے کہا تھا کہ وہ بلدیاتی انتخابات میں بدین میں کسی کوبدمعاشی نہیں کرنے دینگے ، اس سے قبل بھی ذوالفقار مرزا نے مقدمہ درج کرنے پر پولیس اسٹیشن پر دھاوا بول دیاتھا۔بلدیاتی انتخابات کے پہلے مرحلے کے دوران خیر پور میں دوگروپوں میں فائرنگ سے بارہ افراد ہلاک ہوگئے تھے ، سندھ حکومت اس طرح کے کسی بھی ناخوشگوار واقعہ سے نمٹنے کیلئے اقدامات کررہی ہے ۔ سابق اسپیکر قومی اسمبلی اور ذوالفقار مرزا کی اہلیہ فہمیدہ مرزا نے اسمبلی میں خطاب کے دوران کہا کہ صوبائی حکومت بدین میں قبل ازانتخابات دھاندلی میں ملوث ہے اور صوبائی مشینری استعمال کی جارہی ہے ۔
دیکھئے شیریں مزاری کی بیٹی نے پی ٹی آئی کو کس طرح بدنام کر کے رکھ دیا

مزید پڑھئیے:ذولفقار مرزا کے ایان علی اور آصف زرداری کے بارے میں تہلکہ خیز انکشافات