کراچی(نیوزڈیسک) بلدیاتی الیکشن کے دوسرے مرحلے میں تحریک انصاف کی متوقع شکست سے بچنے کیلئے شیخ رشید نے نیا فارمولہ پیش کردیا،عوامی مسلم لیگ کے سربراہ شیخ رشیدنے تحریک انصاف کے سربراہ عمران خان کو مشورہ دیاہے کہ بلدیاتی الیکشن کے دوسرے مرحلے میں شکست سے بچنے کے لیے پارٹی رہنماﺅںکے ساتھ بیٹھ کر موجودہ سیاسی صورت حال پرغوراورمشاورت کریں۔معروف روزنامہ سے بات چیت کرتے ہوئے انھوں نے کہاکہ میں نے پنجاب کے الیکشن میں ن لیگ سے شکست کے بعد عمران خان سے کہاتھاکہ اس معاملے کوغیرمعمولی اندازسے دیکھیں اورایک کمیٹی قائم کی جائے جوشکست کی وجوہ تلاش کرے، کمیٹی میں مجھے بھی شامل کیاجائے مگراب تک کمیٹی کے بارے میںمجھے نہیں بتایاگیا۔ انھوں نے مزیدکہاکہ پی ٹی آئی کے پاس مضبوط منشورہے وہ نئے عزم کے ساتھ میدان میںآئے ہیںلوگوںکوان سے بہت امیدیں ہیں۔