پشاور(نیوزڈیسک)پاکستان تحریک انصاف کے قائد عمران خان نے لاہور اور پشاور کے بعد کراچی میں بھی کینسر ہسپتال قائم کرنے کا اعلان کرتے ہوئے کہا ہے کہ پشاور کا ہسپتال 51 دن بعد کام شروع کرے گا ,سزا اور جزا کا قانون ضروری ہے، اچھا کام کرنے والوں کو جزا اور کام نہ کرنے والوں کو سزا ملنی چاہئے,ڈاکٹروں کے تمام جائز مطالبات پر غور کے لئے تیار ہیں,بلیک میلنگ میں نہیں آئیں گے۔ ہفتہ کو پشاور کا شوکت خانم میموریل ہسپتال کی تقریب سے خطاب میں عمران خان نے کہا کہ میڈیا نے فنڈریزنگ میں ہماری بڑی مدد کی ہے۔سرمایہ کاروں، صنعت کاروں، میڈیا کے نمائندوں اور طلبا سے فنڈ جمع کرنے کی اپیل کروں گا۔عمران خان نے کہا کہ موجودہ ڈھانچے میں ہسپتالوں کو ترقی دینے کا خواب شرمندہ تعبیر نہیں ہوسکتا۔سزا اور جزا کا قانون ضروری ہے، اچھا کام کرنے والوں کو جزا اور کام نہ کرنے والوں کو سزا ملنی چاہئے۔انہوں نے کہا کہ صحت کے شعبے میں اصلاحات کے لئے ڈاکٹروں سے مشاورت کی گئی ہے۔ڈاکٹروں کی اکثریت ہمارے ساتھ ہے صرف چند لوگ روڑے اٹکارہے ہیں۔ہم نے عوام سے مینڈیٹ لیا ہے، قانون کے مطابق ایکٹ پاس کیا ہے۔ عمران خان کا کہنا تھا کہ ڈاکٹروں کے تمام جائز مطالبات پر غور کے لئے تیار ہیں۔ لیکن بلیک میلنگ میں نہیں آئیں گے۔ عمران خان نے کہاکہ معاشرے میں سب سے زیادہ عزت ڈاکٹرز اور پروفیسرز کی ہوتی ہے ڈاکٹروں کی اکثریت ہمارے ساتھ ہے،موجودہ نظام میں ہسپتالوں کو درست نہیں کیا جاسکتا انہوں کہا کہ چند ڈاکٹرز عدالت میں گئے، ہم بھی ڈاکٹرزکے خلاف عدالت میں جائینگے،میں نے کبھی ججز کی توہین نہیں کی۔