اسلام آباد(نیوزڈیسک) تحریک انصاف کے رہنما رکن قومی اسمبلی شفقت محمود نے کہا ہے کہ تحریک انصاف نے اسپیکر کیلئے مجھے امیدوار نامزد کیا ہے اس وقت تحریک انصاف واحد جماعت ہے جو حکومت کو ہر جگہ چیلنج کرتی ہے۔ پارلیمنٹ ہائوس کے باہر میڈیا سے گفتگو کرتے ہوئے انہوں نے کہا کہ تحریک انصاف نے قومی اسمبلی میں اسپیکر کا انتخاب لڑنے کا فیصلہ کیا ہے اور اس سلسلہ میں تمام اپوزیشن جماعتوں ایم کیو ایم، پی پی پی اور دیگر سے ووٹ مانگیں گے۔ انہوں نے کہاکہ تحریک انصاف پارلیمنٹ میں اور پارلیمنٹ کے باہر اپوزیشن کا کردار ادا کرنے والی واحد جماعت ہے۔