اسلام آباد(نیوزڈیسک)انسداد سمگلنگ وکسٹمز کی خصوصی عدالت کے جج رانا آفتاب احمد ماڈل ایان علی کی 5لاکھ6800یو ایس ڈالر بیرون ملک سمگلنگ کیس میں بریت کی درخواست پر محفوظ فیصلہ آج (جمعہ) کو سنائیں گے ۔گذشتہ سماعت کے موقع پر کسٹمز کے وکیل فرحت نواز لودھی نے اپنے دلائل میںمیں عدالت کو بتا یا کہ ملزمہ کے وکیل کہتے ہیں کہ ایان علی نے بورڈنگ کارڈ ہی حاصل نہیں کیا ‘انھیں کسٹمز کے قوانین س واقفیت نہیں ہے ‘ پاسپورٹ کے اندر ویزہ کی سٹمپ ‘کنفرم ٹکٹ حاصل کرنا ‘سو ل ایو ی ایشن کو 1000روپے دیکر انٹری کارڈ حاصل کرنا ‘راول لاﺅنچ کے اندر داخل ہونا بورڈنگ کا ہی حصہ ہوتا ہے ‘ایک مخصوص حد سے زیادہ ڈالر سفر کے لیے بغیر ڈیکلریشن کے ساتھ رکھنا جرم ہے اور یہ جرم ایان علی نے کیا ہے ‘ایان علی کے وکیل نے عدالت کو یہ نہیں بتا یا کہ کہ ڈالر کس چینل سے آئے ہیں ‘ایان علی اپنے بیان حلفی میں کہتی ہیں کہ 6800ڈالر اپنے استعمال کے لیے الگ کیے اور 5لاکھ ڈالر الگ تھے ‘ان کے بھائی کے بیان حلفی کے مطابق0 56800ہی وصول کرنے تھے ‘دونوں بہن بھائیوں کے بیان میں تضاد ہے ‘اگر سارے پیسے بھائی کو ادا کرنے تھے تو ایان بغیر پیسوں کے دوبئی کیسے جار رہی تھا ‘پاس کچھ تو پیسے ہونے وچاہیں جو دوران سفر اور منزل تک پہنچنے تک ضرورت پڑ سکتے ہیں ¾ ایان علی کے پاسپورٹ میں سٹوڈنٹ درج ہے ‘اور وہ دو سالوں میں 81مرتبہ دوبئی جاتیں ہیں اور اگر اے ایس ایف نہ پکڑتی او رغیر ملکی کرنسی سمیت ایان علی دوبئی پہنچ جاتی ‘ ایان علی یہ بھی کہتی ہیں کہ بھائی کے انتظار میں تھی ‘حالانکہ اس فلیٹ پر بھائی آیا ہی نہیں ‘یہ کیسے ہوسکتا ہے کہ بھائی جہاز پر نہ بیٹھے اور انتظار میں بیٹھی اپنی بہن کو آگاہ بھی نہ کرسکے ۔ خصوصی عدالت کے جج رانا آفتا ب احمد نے فریقین کے دلائل مکمل ہونے کے بعد فیصلہ محفوظ کر لیا ‘فیصلہ سنانے کے لیے 6نومبر کی تاریخ مقرر کی تھی۔