لاہور(نیوزڈیسک)ن لیگ کے ڈاکوکونسلرکا7روزہ جسمانی ریمانڈ،پارٹی نے فارغ کر دیا. مقامی عدالت نے 31اکتوبر کو ہونیوالے بلدیاتی انتخابات میں مسلم لیگ (ن) کی ٹکٹ پر جنرل کونسلر منتخب ہونے والے ڈاکو کا سات روزہ جسمانی ریمانڈ دیدیا۔ مسلم لیگ (ن) کی طرف سے ڈاکو کی رکنیت ختم کر دی گئی ہے.لاہور کی یونین کونسل 124کے وارڈ نمبر 6 سے کامیاب ہونیوالے ڈاکو طاہر نوید کو 7روزہ ریمانڈ پر پولیس کے حوالے کیا گیا۔ ملزم طاہر نوید کو پولیس نے اسکے ساتھی ملزم محسن کی نشاندہی پر گرفتار کیا تھا۔ ملزم طاہر نوید کیخلاف تھانہ فیکٹری ایریا کے علاقے میں 2ماہ قبل والٹن روڈ پر واقع ایکسائز آفس سے 15 لاکھ روپے لوٹنے اور مختلف موبائیلز کی دکانوں سے گن پوائنٹ پر ڈکیتی کی وارداتوں کے مقدمات درج ہیں۔ ملزم کو اسکے ساتھی سمیت 28 اکتوبر کو گرفتار کرکے اس کے قبضے سے 5 لاکھ روپے نقدی، 15موبائل فونز، 2 پسٹل اور موٹرسائیکل برآمد ہوئے ہیں۔ ملزمان کی گرفتاری پر پریس کانفرنس بھی کئی گئی تھی۔ یاد رہے کہ حوالات میں بند ہونے کے باوجود وہ بلدیاتی انتخابات میں 328 ووٹ لیکر جنرل کونسلر کی سیٹ پر کامیاب ہوگیا۔ مسلم لیگ (ن) کی طرف سے ڈاکو کی رکنیت ختم کر دی گئی ہے۔