لاہور(نیوزڈیسک) لاہور ر ہائیکورٹ نے لاہور کے متوقع میئر خواجہ احمد حسان کی نااہلی کے لیے درخواست پر پنجاب حکومت کے وکلا سے وہ تمام ریکارڈ طلب کرلیا جس سے معلوم ہوسکے خواجہ حسان کن کن سرکاری عہدوں پر فائز رہ چکے ہیں۔ لاہور ہائی کورٹ کے جسٹس شاہد کریم نے مقامی شہری مسعود عزیز کی درخواست پر سماعت کی جس میں خواجہ احمد حسان کی بلامقابلہ یونین کونسل ایک سو سات سے ان کی کامیابی کو چیلنج کیا گیاہے۔ سماعت درخواست گزار کے وکیل شیراز ذکائ ایڈووکیٹ نے یہ اعتراض اٹھایا کہ لوکل گورنمنٹ آرڈیننس کے تحت سرکاری عہدے پرفائز رہنے والا کوئی عہدے دار دو برس تک انتخاب نہیں لڑسکتا ہے اور خواجہ احمد حسان وائس چیئرمین ایل ڈی اے سمیت مختلف عہدوں پر فائز رہے ہیں اور کاغذات نامزدگی جمع کرانے سے قبل انہوں نے تمام عہدوں سے استفی دیا ہے اس لیے دو برس کی معیاد مکمل نہیں ہوئی اور انتخاب لڑنے کے اہل نہیں ہیں۔ان کا کاغذات نامزدگی مسترد کرتے ہوئے ان کو نااہل قرار دیا جائے۔ خواجہ حسان کے وکیل رائے شاہد سلیم نے بتایا کہ کاغذات کی جانچ پڑتال کے وقت اعتراضات داخل نہیں کئے گئے اس لیے یہ درخواست قابل سماعت نہیں ہے۔ عدالتی حکومت ڈپٹی اٹارنی جنرل میاںعرفان اکرم نے بتایا کہ قواعد کے تحت اعتراضات پر ریٹرننگ آفیسر کو سمری کارروائی کرنی ہوتی ہے۔لاہورہائی کورٹ نے درخواست پانچ نومبر تک ملتوی کردی اور پنجاب حکومت سے خواجہ احمد حسان کی تقرریوں کے بارے میں ریکارڈ طلب کرلیا ہے ۔