کوہاٹ (آن لائن) خیبرپختونخوا میں 25 ہزار اساتذہ کی کمی ہے اور حکومت 10 ہزار نئے اساتذہ کو نئی تعلیمی پالیسی کے تحت این ٹی ایس کے ذریعے بھرتی کرے گی ۔ ان بات کا انکشاف وزیر اعلی خیبرپختونخوا پرویز خٹک نے یہاں ایک عوامی اجتماع سے خطاب کرتے ہوئے کیا ہے ۔وزیر اعلی نے کہا کہ آنے والے دس برسوں میں سرکاری سکولوں میں پڑھنے والے طلباءپرائیوٹ سکولوں میں پڑھنے والے طلباءکے ہم پلہ ہو جائیں گے اور گریڈ ون سے انگلش مضمون شروع کیا جائے گا اور کلاس پنجم اور شسشم کے لئے بورڈ امتحانات متعارف کرائیں جائیں گے ۔