اسلام آباد(نیوز ڈیسک) چیف کمشنر ذوالفقار حیدر کی سربراہی میں اعلیٰ سطح کا اجلاس ہوا جس میں محرم الحرام کے حوالے سے سکیورٹی پلان ترتیب دیا گیا۔ سکیورٹی پلان کے مطابق پولیس، سول انتظامیہ اور رینجرز کے اہلکار سکیورٹی کے فرائض سرانجام دیں گے جبکہ ہر طرح کی صورتحال سے نمٹنے کیلئے فوج تیار رہے گی۔ ہر جلوس کی ویڈیو ریکارڈنگ اور سی سی ٹی وی سے مانیٹرنگ کی جائےگی۔ سکیورٹی انتظامات کو حتمی شکل دینے کیلئے پولیس اور ڈی سی کو چیف کمشنر نے ہدایت جاری کر دی ہے۔ اجلاس میں آئی جی، ڈی سی، ایس ایس پی آپریشنز اور رینجرز حکام نے شرکت کی۔