پشاور(نیوزڈیسک) خیبر پختونخوا اسمبلی نے تین قراردادوں کی منظوری دیدی،قرار داد کے ذریعے وفاقی حکومت سے مطالبہ کیا گیا کہ بیرون ملک پاکستانیوں کو ووٹ کا حق دیا جائے قرار داد تحریک انصاف کے شوکت یوسفزئی نے پیش کی جس میں وفاقی حکومت سے مطالبہ کیا گیا کہ بیرون ملک پاکستانی ملک کے زر مبادلہ کے حصول میں اہم کردار ادا کررہے ہیں انہیں ووٹ کا حق نہ دینا نا انصافی ہے اس لئے وفاق فوری طور پر بیرون ملک پاکستانیوں کو ووٹ کا حق دے صوبائی اسمبلی میں ن لیگ کے پارلیمانی لیڈر اورنگزیب نلہوٹہ کی ایک قرار داد کو بھی منظور کیا گیا جس میں وزیراعظم نواز شریف کو اقوام متحدہ میں مسئلہ کشمیر کو احسن طریقے سے اجاگر کرنے پر خراج تحسین پیش کیا گیا شوکت یوسفزئی نے اس قرار داد کی مخالفت میں ووٹ دیا صوبائی اسمبلی میں شوکت یوسفزئی کی ایک اور قرار داد بھی متفقہ طور پر منظوری کی گئی جس میں وفاق سے مطالبہ کیا گیا تھا کہ بیرون ملک پاکستانیوں کے ایئر پورٹ پر مناسب رویہ رکھا جائے اور ایئر پورٹ پر انہیں بلا وجہ تنگ کرنے کی بجائے انہیں سہولیات فراہم کی جائیں۔