لاہو(نیوزڈیسک) اے ایس ایف نے علامہ اقبال انٹر نیشنل ایئرپورٹ سے کروڑوں روپے مالیت کی ہیروئن بیرون ملک اسمگل کی کوشش ناکام بنا کر ملزم کو گرفتار کرلیا۔ لاہور کے علامہ اقبال انٹرنیشنل ایئرپورٹ پر اے ایس ایف اہلکاروں نے شک کی بنیاد ایک مسافر کے سامان کی تلاشی لی تو اس کے پاس سے 9 کلو 200 گرام ہیروئن برآمد ہوئی۔گجرات کا رہائشی قیصر نجی ایئر لائن کی پرواز ای کے 623 کے ذریعے ہیروئن سمگلنگ کی کوشش کررہا تھا جس کی مالیت بین الاقوامی مارکیٹ میں کروڑوں روپے بنتی ہے۔ ملزم کو گرفتار کر کے مقدمہ درج کرلیا جب کہ اس سے مزید تفتیش کی جا رہی ہے۔