پنوں عاقل(نیوزڈیسک) قومی احتساب بیورو سندھ (نیب) کی پنوں عاقل میں کارروائی ، کروڑوں روپے کی کرپشن میں ملوث چار بینک افسران کو گرفتار کر لیا۔ احتساب عدالت میں پیش کرکے ریمانڈ حا صل کرلیاگیا ۔ نیب سکھر کی ایک ٹیم نے پنوں عاقل میں کارروائی کرتے ہوئے نیشنل بینک آف پاکستان کے چار افسران لعل شاہ ، نصرت حسین ، بشیر احمد اور کفایت اللہ جو کہ گریڈ 1 ،2 اور3 کے افسران کو گرفتار کر لیا ہے ۔ ذرائع کے مطابق گرفتار شدگان پر کروڑوں روپے کی کرپشن کا الزام ہے۔ ذرائع کے مطابق ملزمان کو گرفتاری کے بعد سکھر میں قائم احتساب عدالت میں پیش کر دیا گیا جہاں سے نیب حکام نے ان کا ریمانڈ لے کر ان سے تفتیش شروع کر دی ہے ۔