اسلام آباد (نیوزڈیسک)پاکستان مسلم لیگ(ن) کے مرکزی رہنماءمشاہد اللہ خان کوآئی ایس آئی کےایک سابق سربراہ کے خلاف برطانوی نشریاتی ادارے کوانٹرویودیتے ہوئے الزامات لگانے کی وجہ سے وزارت واپس لے گئی تھی۔ پاکستان مسلم لیگ (ن) کے رہنما سینیٹر مشاہد اللہ خان نے کہا ہے کہ موجودہ حکومت کی کوششوں سے ملک کی معیشت تیزی سے ترقی کی طرف گامزن ہے . 12 اکتوبر 1999ءکا دن تاریخ کا سیاہ دن ہے .آمر نے جمہوریت کو ختم کیا جمعہ کو پارلیمنٹ ہاﺅس کے باہر میڈیا سے گفتگو کرتے ہوئے انہوں نے کہا کہ پرویز مشرف کے دور حکومت میں امام بارگاہوں‘ مساجد اور دیگر سرکاری اداروں کو دہشت گردی کا نشانہ بنایا گیا اور 60 ہزار افراد دہشتگردی کے واقعات میں شہید ہوئے۔ آج کراچی سمیت ملک میں جو دہشتگردی ہو رہی ہے اس کے ذمہ دار پرویز مشرف ہیں۔ انہوں نے کہا کہ موجودہ حکومت کی کوششوں سے ملک کی معیشت تیزی سے ترقی کی طرف گامزن ہے۔ چین کے ساتھ 46 ارب ڈالر کی سرمایہ کاری ہو چکی ہے جس کے ملک کی معیشت پر دوررس اثرات مرتب ہوں گے۔ ایک سوال کے جواب میں انہوں نے کہا کہ 12 اکتوبر 1999ءکا دن تاریخ کا سیاہ دن ہے۔ ایک فوجی آمر نے طاقت کے زور پر منتخب جمہوری حکومت کو ختم کیا۔