لاہور(نیوزڈیسک)کروڑوں روپے کی کرپشن پرملک کی بڑی ہاﺅسنگ سوسائٹی کے مالک سے تحقیقات شروع .احتساب عدالت نے فراڈ کے الزام میں گرفتار سابق ناظم ظہور وٹوکا 6روزہ جسمانی ریمانڈ دیتے ہوئے تفتیش کے لیے نیب کی تحویل میں دے دیا ۔گزشتہ روز نیب نے ظہور وٹو کو احتساب عدالت میں پیش کیا اور عدالت کو بتایا کہ ملزم کو گزشتہ روز گرفتار کیا گیا اور ان پر ہاﺅسنگ سوسائٹی کے نام پر لوگوں سے کروڑ روپے کا فراڈ کرنے کا الزام ہے اس لیے ان سے چھان بین کے لیے ان کا جسمانی ریمانڈ دیا جائے۔ عدالت نے نیب کی درخواست منظور کرتے ہوئے ملزم کا 6روز ہ ریمانڈ دے دیا اور نیب کو ہدایت کی جسمانی ریمانڈ ختم ہونے پر ملزم کو 14اکتوبر کو دوبارہ عدالت میں پیش کیا جائے۔