کراچی (نیوزڈیسک)سندھ کے سینئر وزیر برائے خزانہ و توانائی سید مراد علی شاہ نے کہا ہے کہ انہیں پاکستان اسٹیل ملز کو سندھ حکومت کی جانب سے خریدنے کے معاملے کا علم نہیں ۔ ان کے محکموں کی جانب سے ایسی کوئی تجویز نہیں دی گئی۔میڈیا سے گفتگو کرتے ہوئے سندھ کے سینئر وزیر مراد علی شاہ نے کہا کہ پیپلز پارٹی نے ہمیشہ اسٹیل ملز کی نجکاری کی مخالفت کی اور موقف اختیار کیا کہ نجکاری کی صورت میں اسٹیل ملز کی زمین سندھ کی صوبائی حکومت کا حق ہے۔ان کا کہنا تھا کہ انہیں اسٹیل ملز کو سندھ حکومت کی جانب سے خریداری کی پیشکش کا علم نہیں۔ اور نہ ہی ان کے محکمے کی جانب سے کوئی ایسی تجویز بھیجی گئی ہے۔