اسلام ابٓاد (نیوزڈیسک) انسٹیٹیوٹ آف سٹرٹیجک اسٹڈیز کے ڈائریکٹر جنرل مسعود خان نے کہا ہے کہ بھارت تنازعہ کشمیر پر مذاکرات سے فرار چاہتا ہے ۔ایک انٹرویو میں انہوں نے کہا کہ پاکستان کا کشمیر کے بارے میں اصولی موقف ہے۔ انسٹی ٹیوٹ آف سٹرٹیجک اسٹڈیز کے ڈائریکٹر جنرل مسعود خان نے کہا کہ بھارت کا پاکستان کے ساتھ صرف دہشت گردی کے ایجنڈے پر مذاکرات پر اصرار تنازعہ کشمیر پر مذاکرات سے فرار کی کوشش ہے۔انہوں نے کہا کہ یہ کشمیریوں کے حق خودارادیت کا سوال ہے۔انہوں نے کہا کہ انصاف کا تقاضا ہے کہ اگر بھارت دہشت گردی پر مذاکرات چاہتاہے تو اسے پاکستان میں اپنی دہشت گردی بند کرنا ہوگی انہوں نے کہا کہ پاکستان کے اندرونی معاملات میں بھارتی مداخلت کے واضح شواہد موجود ہیں۔