سیوریج اور فاضل مادوں و کوڑا کرکٹ کو محفوظ طریقے سے ٹھکانے لگانے کا نظام ، انفارمیشن ٹیکنالوجی اور ٹیلی کام، کمرشل ایریاز،ووکیشنل ٹریننگ انسٹی ٹیوٹ،فائربریگیڈ،ایمرجنسی طبی انتظامات،سیکورٹی اور دیگر جدید ترین سہولیات فراہم کی جائیں گی کمپنی نے اجلاس کو بتایا کہ وزیراعلیٰ خیبرپختونخوا کی ہدایات اور صوبے میں حکمران جماعت پی ٹی آئی کے وژن کے عین مطابق صنعتی ترقی کیلئے ایسی منصوبہ بندی کی گئی ہے جس سے صوبے میں روزگار کے کم ازکم تین لاکھ نئے مواقع پیدا کرنے کا ہدف حاصل کیا جا سکے صوبے میں پائیدار صنعتی ترقی کے حوالے سے کمپنی کی سفارشات کی حمایت کرتے ہوئے وزیراعلیٰ پرویز خٹک نے کہا کہ مرکزی تجارتی منڈیوں سے دوری نے ہمیشہ ہمارے صوبے کی صنعتی سرگرمیوں کو متاثر کیا ہے اسلئے صنعتی ترقی میں حائل اس رکاوٹ کو دور کرنے کیلئے صنعتکاروں کو خصوصی مراعات اور سہولیات کی فراہمی ناگزیر ہے انہوں نے کہاکہ موجودہ صوبائی حکومت صنعتی شعبے کی بحالی کیلئے مکمل طور پر پر عزم ہے اور صوبے میں صنعتکاری کیلئے ہر لحاظ سے سازگار ماحول پیدا کرنے کیلئے کوئی دقیقہ فروگزاشت نہیں کرے گی انہوں نے محکمہ توانائی کو ہدایت کی کہ وہ گیس کے صوبائی ذخائر سے صنعتوں کیلئے سستی بجلی پیدا کرنے کیلئے وفاقی حکومت سے اجازت حاصل کرنے کے اقدامات کرے وزیراعلیٰ نے کہاکہ سرمایہ کاروں کو خصوصی اور پرکشش مراعات اور سہولیات کی فراہمی کے بغیر پائیدار صنعتکاری اور اقتصادی استحکام کے اہداف کا حصول ناممکن ہے وزیراعلیٰ نے محکمہ صنعت کو ہدایت کی کہ وہ صوبے کی تمام صنعتی بستیوں کا انتظام اکنامک زون ڈویلپمنٹ کمپنی کے حوالے کرنے کے علاوہ سرحد ڈویلپمنٹ اتھارٹی کے اثاثہ جات بھی کمپنی کو جلد ازجلد منتقل کرنے کے اقدامات کرے انہوں نے محکمہ خزانہ کو بھی ہدایت کی کہ وہ سالانہ ترقیاتی پروگرام کے تحت حطار انڈسٹریل اسٹیٹ کے فیزVII کے قیام کیلئے مختص شدہ 600 ملین روپے کی رقم کمپنی کو جاری کرے انہوں نے مذکورہ صنعتی بستی کیلئے درکار573 ملین روپے کی اضافی رقم کی فراہمی کا بھی یقین دلایا۔