لاہور( نیوزڈیسک) این اے 122سے پاکستان مسلم لیگ (ن) کے امیدوار سردار ایاز صادق نے کہا ہے کہ عدالت کا عوامی نمائندوں کو انتخابی مہم میں حصہ لینے کی اجازت دینے کا فیصلہ خوش آئند ہے ،اگر عمران خان انتخابی مہم کے لئے آئے تو نواز شریف اور دیگر قائدین بھی آئیں گے ، پی ٹی آئی 11اکتوبر کو عبرتناک شکست کے خوف کا شکار ہے ۔ ان خیالات کا اظہار انہوں نے انجن شیڈ لاہور میں کارنر میٹنگ سے خطاب کرتے ہوئے کیا ۔ اس موقع پر پیپلز پارٹی کے دیرینہ رہنما اعظم ارائیں نے مسلم لیگ (ن) شمولیت کا اعلان بھی کیا ۔ سردار ایاز صادق نے کہا کہ پیسے کے بل بوتے پر انتخابی ضابطہ اخلاق کی دھجیاں بکھیری جارہی ہیں ۔عوام کے ضمیر کو خریدنے کی کوشش کرنے والے یاد رکھیں انہیں ناکامی کے سوا کچھ حاصل نہیں ہوگا ۔ انہوں نے کہا کہ عدالت کا عوامی نمائندوں کو انتخابی مہم میں حصہ لینے کی اجازت دینے کا فیصلہ خوش آئند ہے ۔ اگر عوامی نمائندوں کو انتخابی مہم میں حصہ لینے کی اجازت دینے کا فیصلہ خوش آئند ہے ، اگر عمران خان انتخابی مہم کے لئے آئے تو نواز شریف اور دیگر قائدین بھی آئیں گے ۔انہوںنے کہا کہ عمران خان کو پاکستان کی کوئی فکر نہیں انہیں صرف وزیر عظم بننے کی فکر ہے ۔ اگر پاک چین اقتصادی راہداری منصوبہ مکمل ہو گیا تو پاکستان کی آمدنی میں اضافہ ہوگا لیکن پی ٹی آئی والوں کی اب بھی کوشش ہے کہ پاکستان عدم استحکام کا شکار ہو اور چین کے لوگ واپس چلے جائیں۔