کرم ایجنسی (نیوزڈیسک)کرم ایجنسی کے حکام نے دعویٰ کیا ہے کہ سکیورٹی فورسز نے مبینہ طور پر بھارتی انٹیلی جنس ادارے را سے تعلق رکھنے والے دو افراد کو پاراچنار سے گرفتار کرلیا سرکاری ذرائع ابلاغ کے مطابق دونوں مبینہ ایجنٹوں کو 19 ستمبر کو گرفتار کیا گیا تھا مگر انہیں بدھ کو میڈیا کے سامنے پیش کیا گیا۔را کے مبینہ ایجنٹوں کو ایک انٹیلی جنس آپریشن کے دوران سکیورٹی اداروں نے حراست میں لیا تھا۔اسسٹنٹ پولیٹیکل ایجنٹ کرم ایجنسی شاہد اللہ کے مطابق تفتیش کے دوران زیرحراست ملزمان نے بھارتی ایجنسی را کےلئے کام کرنے کا اعتراف کیا ہے۔انہوں نے کہا کہ ملزمان کرم ایجنسی میں دہشت گردی اور فرقہ وارانہ فسادات پھیلانے میں مصروف تھے۔دونوں افراد کے قبضے سے ایل لاکھ 78 ہزار بھارتی کرنسی اور تین سو امریکی ڈالر سمیت سکیورٹی فورسز کی وردیاں برآمد کی گئی ہیں۔