سری نگر (نیوز ڈیسک) مقبوضہ کشمیر میں بھارتی پولیس نے حریت رہنما آسیہ اندرابی کو پاکستان کا جھنڈا لہرانے اور ریلی سے خطاب کرنے پر گرفتار کر لیا۔ بھارتی پولیس نے دختران ملت کی چیئر پرسن آسیہ اندرابی کو سری نگر کے علاقے سورا میں ان کے گھر سے گرفتار کیا۔ آسیہ اندرابی کو رام باغ کے پولیس اسٹیشن رکھا گیا ہے انہیں 14 اگست کو پاکستان کا جھنڈا لہرانے اور پاکستان میں ایک ریلی سے خطاب کرنے پر گرفتار کیا گیا۔ ادھر بھارتی فورسز نے بندی پور کے علاقے میں دو کشمیری نوجوانوں کو بھی شہید کردیا تھا۔