کراچی(نیوزڈیسک)رینجرز کے نام پر پیسے طلب کرنے کے الزام میں اسلام آباد کے ایک صحافی سمیت 3ملزمان کے خلاف کراچی کے زماں ٹائون تھانے میں مقدمہ درج کرلیا گیا .روزنامہ جنگ کے صحافی آغاخالدکی رپورٹ کے مطابق پولیس نے 2ملزمان کو رقم وصول کرتے ہوئے گرفتار کرلیاجبکہ اسلام آباد کے کپیٹل پوسٹ نامی اخبار کے احمد رضا ملک کی گرفتاری کے لئے اسلام آباد پولیس کو خط لکھا گیا ہے ایس ایچ او زماں ٹائون راجہ طارق نے بتایا کہ ایک مغوی احمد کے حوالے سے عزیزاللہ خان اور اسکے ساتھی نے مغوی کے گھر والوں سے رابطہ کرکے مغوی کی رہائی کے لئے ساڑھے چار لاکھ روپے طلب کئے اور دعوی کیاکہ ان کا تعلق رینجرز سے ہے اور مغوی ان کے پاس ہے جس پر مغوی کے گھر والوں نے رینجرز سے رابطہ قائم کیا جن کی شکایت پر زماں ٹائون پولیس نے 2ملزمان کو رنگے ہاتھوں گرفتار کرلیا جنہوں نے اپنے بیان میں کہا ہےکہ ان کی سرپرستی احمد رضا ملک کرتا ہے جو اسلام آباد سے فون کرکے پارٹی سےکرنل نیاز کے نام سے براہ راست رابطہ میں تھا ہمیں اس نے صرف رقم لینے بھیجا تھا جبکہ پولیس نے احمد رضا ملک کا ریکارڈ حاصل کیا تو مغوی کے گھر والوں سے اس کے رابطوں کی تصدیق ہوگئی جس کے بعد مقدمہ نمبر415/2015درج کرلیا گیا۔