لاہور(نیوزڈیسک) ذرائع کے مطابق پنجاب حکومت کے خصوصی اجلاس میں رانا مشہود کے استعفے کے حوالے سے اجلاس کے شرکاء کی آراء دو حصوں میں تقسیم ہو گئی ہے۔ ایک گروپ چاہتا ہے کہ پنجاب حکومت وزیر تعلیم اور کھیل سے استعفی لے جبکہ دوسرے گروپ کی رائے میں اگر رانا مشہود سے استعفی لیا تو مستقبل میں مزید مشکلات کا سامنا کرنا پڑ سکتا ہے۔ حکومتی ذرائع کے مطابق نیب کے نوٹس کو صوبائی وزیر کے استعفے کے لئے جواز نہیں بنایا جا سکتا۔ دوسری طرف رانا مشہود کا کہنا ہے کہ استعفی دینے کا سوال ہی پیدا نہیں ہوتا۔ الزامات کی انکوائری میں ایف آئی اے اور ہائی کورٹ کی جانب سے سر خرو ہو چکا ہوں۔