لاہور (نیوزڈیسک) معروف قانون دان چوہدری اعتزاز احسن نے اردو کے نفاذ کے عدالتی حکم پر تحفظات کا اظہار کرتے ہوئے کہا ہے کہ اس فیصلے کے بعد صوبوں کی طرف سے اپنی اپنی زبان کے نفاذ کا مطالبہ بھی سامنے آ سکتا ہے ۔سپریم کورٹ کے اردو کے نفاذ کے حکم پر نجی ٹی وی پر اپنے رد عمل کا اظہار کرتے ہوئے اعتزاز احسن نے کہا کہ میں اس فیصلے سے مطمئن نہیں ہوں ۔ قائد اعظم محمد علی جناح ؒنے بھی اردو زبان کے نفاذ کے حوالے مسئلہ اٹھایا تھا تو اس پر بھی ردعمل آیا تھا ۔کیا ججز قائد اعظم ؒسے بڑے ہیں ؟۔ اعتزاز احسن نے مزید کہا کہ ایسے فیصلے عدالتی نہیںبلکہ سیاسی ہوتے ہیں ۔انہوںنے اردو زبان کے نفاذ کے حکم کے بعد کی صورتحال کا تجزیہ پیش کرتے ہوئے کہا کہ اس فیصلے کے بعد پختونخواہ میں پشتو ،بلوچستان میں بلوچی، پنجا ب میں پنجابی اور سندھ میں سندھی زبان کے نفاذ کرنے کا مطالبہ سامنے آ سکتا ہے ۔