کراچی(نیوزڈیسک) جمعیت علماءاسلام (ف) نے پیپلز پارٹی سے اپنا اتحاد ختم کرنے کا اعلان کر دیا۔ بلدیاتی انتخابات کے دوران سندھ بھر میں امیدوار کھڑے کرنے کا اعلان۔تفصیلات کے مطابق کراچی جے یو آئی(ف)کے صوبائی جنرل سیکٹری مولاناراشد محمود سومرو نے بدین میں میڈیا سے بات چیت کرتے ہوئے پیپلز پارٹی سے سندہ میں اتحاد ختم کرنے کا اعلان کردیا ہے۔انہوں نے کہا کہ سندھ بھر میں بلدیاتی انتخابات کے دوران ہر سیٹ پر پیپلزپارٹی زرداری سے مقابلا کیا جائیگا۔ پیپلز پارٹی سے اب کبھی بھی اتحاد نہیں ہو سکتا کیونکہ پیپلز پارٹی شہید خالد محمود سومرو کے قاتلوں کو گرفتار نہیں کرسکی ہے۔ البتہ پیپلز پارٹی اپنی پوزیشن واضح کرے ورنہ 29 نومبر کو دما دم مست قلندر ہوگا۔ سندھ کارڈ صرف جے یو آئی کے پاس ہے۔ عمران خان سندھ میں آنے کی غلطی نہ کرے ہم کسی غیر کو سندھ میں آباد نہین ہونے دینگے۔ مولانا فضل ارحمان نے 90 جا کر پاکستان توڑنے کی سازش کو ناکام بنایا۔ سیاسی اتحاد کے لئے ڈاکٹر ذولفقار مرزا، ارباب غلام رحیم، پیر پگارو سے بات چیت چل رہی ہے سندھ میں مختلف سیٹوں پر سیٹ ایڈجسٹمنٹ ہو سکتی ہے۔