لوئر دیر(نیوزڈیسک).خیبر پختونخوا کے ضلع لوئر دیر میں درختوں کا نہیں، جنگلات کا صفایا کیا جارہا ہے، دلکش وادیوں کی خوبصورتی ماند پڑنے لگی ہے، لوئر دیر کے علاقے جندول میں درختوں کی بے دریغ کٹائی جاری ہے۔ ٹمبرمافیا نے دیار اور چیڑ کے قیمتی درخت کاٹ ڈالے، اسمگلر گاڑیوں، خچر اور مزدوروں کے ذریعے لکڑی اسمگل کرتے ہیں۔ ڈی پی او قاسم خان نے پولیس کی نااہلی کا اعتراف کرلیا۔
ڈی پی او کا کہنا ہے کہ جونیئرسےسینئر لیول تک پولیس ملوث ہے، محکمہ جنگلات بھی اپنا کردارادا نہیں کررہا..لوئر دیر سے صوبائی اسمبلی کے رکن اعزازالملک کا کہنا ہے کہ جنگلات کی کٹائی میں عام آدمی ملوث نہیں ہوسکتا، یہ منظم گروہوں کی کارروائی ہے جن کے خلاف ایکشن ہونا چاہیے