اسلام آباد (نیوزڈیسک)ر) پیپلزپارٹی کی قیادت نے لاہور میں پڑائو ڈالا ہے تو حکمران پاکستان مسلم لیگ نون کے سربراہ وزیراعظم نوازشریف نے بھی سندھ کے دورے کا اعلان کر دیا ہے۔ سندھ جہاں بانی پاکستان حضرت قائداعظمؒ نے آنکھ کھولی، جنہوں نے مسلم لیگ کی سرکردگی میں قیام پاکستان کو ممکن بنایا اس صوبے کو مسلم لیگی اکابرین نے سیاسی طور پر طویل عرصے سے نظرانداز کر رکھا ہے ان کے اس چلن کے باعث ایک طرف پاکستان کی خالق اس جماعت کو صوبے کے امور میں اس کا جائز حصہ نہیں مل رہا بلکہ اس پارٹی کے کئی سرکردہ رہنمائوں نے پارٹی سے ہی منہ موڑ لیا ہے،روزنامہ جنگ کے صحافی صالح ظافر کی رپورٹ کے مطابق بعض سیاست کو تیاگ دینے پر مجبور ہوگئے ہیں کچھ ایسے بھی ہیں جو دوسری جماعتوں کا رُخ کر رہے ہیں یا ان کی طرف مراجعت کے لئے پَر تول رہے ہیں۔ سندھ میں ان پارٹیوں کو جگہ بنانے کا موقع ملا جن کی پاکستان کے حوالے سے نظریاتی وابستگی مستحکم نہیں تھی یا سرے سے موجود ہی نہیں تھی اسی طرح قوم پرستوں کو بھی ہنگامہ پروری
