پڑا۔ نتیجتاً قانون کے مطابق ایف آئی اے کو آزادانہ انداز سے اور بلا خوف و خطر کام کرنے کا موقع دینے کی بجائے حکومت نے ایجنسی کو ہدایت دی کہ وہ گیلانی کو گرفتار کرے اور نہ ہی ان کے خلاف مزید مقدمات دائر کرے۔ اب گیلانی کو عدالتوں سے اُن مقدمات میں حکم امتناع حاصل کرنے کا موقع دیا جا رہا ہے جو پہلے ہی عدلیہ کے زیر سماعت ہیں۔ ایف آئی اے ذرائع اس بات پر افسوس کا اظہار کرتے ہیں کہ ادارہ اب بھی حکمرانوں کے زیر اثر ہے اور سیاست زدہ ماحول سے متاثر ہو رہا ہے۔ ان ذرائع کا کہنا ہے کہ گزشتہ سال نجف مرزا کو صرف اس لیے کراچی میں ایف آئی اے کے ڈائریکٹر کے عہدے سے ہٹایا گیا تھا کہ انہوں نے میرٹ پر پیپلز پارٹی کے کچھ رہنمائوں کے خلاف مقدمات دائر کیے تھے۔ بظاہر، حکومت دعویٰ کرتی ہے کہ اس نے ایف آئی اے کو کھلی چھوٹ دے رکھی ہے لیکن حقیقت میں یہ صورتحال ایجنسی میں کام کرنے والے ایماندار اور لائق افسران کیلئے مایوس کن ہے۔