اسلام آباد(نیوزڈیسک) 2014ء کی ناکام ’’لندن منصوبہ سازش‘‘ نے نواز شریف کی حالت دودھ کا جلا چھاچھ بھی پھونک کر پینے والے جیسی کر دی ہے جس کی وجہ سے احتساب کے عمل کو نقصان پہنچا ہے۔ ذرائع کے مطابق، حال ہی میں نواز شریف حکومت کی جانب سے ایف آئی اے کو سابق وزیراعظم یوسف رضا گیلانی اور سابق وزیر تجارت امین فہیم کے خلاف کرپشن کی کارروائی روکنے کی ہدایت حکومت کی اس پالیسی کا نتیجہ ہے جس کے تحت ایک اور سیاسی بحران سے بچنے کیلئے ایسا کوئی اقدام نہیں کرنا جس سے پیپلز پارٹی ناراض ہوجائے۔ روزنامہ جنگ کے صحافی انصارعباسی کی رپورٹ کے مطابق دلچسپ بات یہ ہے کہ کراچی اور سندھ میں کرپشن اور دہشت گردوں کی مالی معاونت کے خلاف رینجرز، نیب اور ایف آئی اے کی کوششوں کو مربوط بنانے میں حکومت نے اہم کردار ادا کیا تھا لیکن آصف علی زرداری کی جانب سے حکومت کو سخت انتباہ جاری کیے جانے کے بعد حکومتی حوصلہ لڑکھڑا گیا۔ ذرائع کا کہنا ہے کہ 2014ء کے تجربات کی وجہ سے حکومت الٹے پائوں چلنے لگی ہے؛ اُس وقت پیپلز پارٹی نے