پشاور (آن لائن ) مسلم لیگ ن کے رہنما رکن قومی اسمبلی دانیال عزیز کی طرف سے خیبر پختونخوا حکومت پر اسٹاک ایکسچینج میں سرمایہ کاری کے الزامات کے دفاع کے لیے صوبائی حکومت نے عدالت میں جانے کا فیصلہ کر لیا ۔پاکستان تحریک انصاف کے صوبائی وزیر شوکت یو سفزئی نے کہا ہے کے مسلم لیگ( ن) کی طرف سے صوبائی حکومت پر بے بنیاد الزامات لگائے گئے ہیں ،صوبائی حکومت نے خزانے سے سٹاک ایکسچینج میں سرمایہ کاری نہیں کی ہے سٹاک ایکسچینج میں سرمایہ کاری ایم ایم اے کے دورمیں کی گئی ہے اور اسکا ریکارڈ موجود ہے ، مسلم لیگ( ن) کی جانب سے صوبائی حکومت پر بے بنیاد الزام لگائے جا رہے ہیں ،اس لئے صوبائی حکومت دانیال عزیز کے الزامات کیخلاف عدالت سے رجوع کرے گی اور الزامات کا دفاع کرے گی ۔