کراچی (نیوزڈیسک)وفاقی تحقیقاتی ادارے ایف آئی اے نے بیرون ملک جائیداد خریدنے والےپاکستانی شہریوں کونوٹس جاری کرکے تفصیلات مانگ لیں۔کئی اہم شخصیات کےخلاف منی لانڈرنگ کے ذریعے اثاثے بنانے کی تحقیقات جاری ہیں۔ایف آئی اے نے بیرون ملک غیرقانونی رقم کی ترسیل سے اثاثوں کی خریداری پر چھان بین شروع کردی ہے۔ذرائع کے مطابق وفاقی تحقیقاتی ادارے نےبیرون ملک جائداد خریدنے والوں کو نوٹس جاری کرکے تفصیلات مانگ لی ہیں۔ایف آئی اے نوٹس میں کہا گیا ہے کہ بیرون ملک جائیداد کی خریداری کیلئے رقم کی ادائیگی کا طریقہ کار بتایا جائے۔ایف آئی اے کراچی نے 60 سے زائد افراد کو نوٹس بھیج دئیے ہیں۔ایف آئی اے نے اہم شخصیات، سیاستدانوں اور کاروباری افراد کو بھی نوٹس دئیے ہیں۔بعض اہم شخصیات کے منی لانڈرنگ کے ذریعے رقم بیرون ملک منتقل کرنے کی تحقیقات بھی جاری ہیں ۔تحقیقات میں اس بات پر تفتیش کی جارہی ہے کہ اثاثے خریدنے میں رقم استعمال کرنے کا طریقہ کار قانونی ہے یا غیرقانونی طریقے سے رقم کی ترسیل ہوئی ہے