کراچی (مانیٹرنگ ڈیسک ) شیر شاہ کباڑی مارکیٹ میں فیکٹری کے اندر دھماکہ ، ایک شخص جاں بحق ، تین شدید زخمی ، نجی ٹی وی کے مطابق پولیس ذرائع ابتدائی طور پر بتا یا ہے کہ فیکٹری میں بوائلر بنانے کا کام کیا جاتا تھا جہاں بوائلر پھٹنے سے 4مزدور شدید زخمی ہوگئے جن میں سے ایک موقع پر جاں بحق ہوگیا ، باقی تین مزدوروں کو شدید زخمی حالت میں ہسپتال داخل کروادیا گیا ہے جہاں ان کی حالت تشویشناک بتائی جارہی ہے تازہ ترین اطلاعات کے مطابق پولیس کی ابتدائی رپورٹ غلط ثابت ہوئی ہے دھماکہ فیکٹری کے باہر رکھے سامان میں رکھے ممکنہ دھماکہ خیز مواد کے پھٹنے سے ہوا ہے ، عینی شاہدین کا کہنا ہے کہ باہر رکھے سامان کو مزدور اٹھا رہے تھے کہ وہاں دھماکہ ہوگیا ،ذرائع کے مطابق فیکٹری کے ایک طرف گودام جبکہ دوسری طرف بوائلر کا کام کی جاتا ہے ، پولیس اور ریسکیو کی ٹیمیں فورا پہنچ کر کاروائیوں میں مصروف ہیں ،فیکٹری ملازمین کی طرف سے مالکان کوفوراً واقعے سے آگا کیا ہے جس کے بعد وہ وہاں پہنچے ہیں پولیس اور رینجرز کی بھاری نفری موقع پر موجود ہے اور فیکٹری کو مکمل طور پر ملازمین سے خالی کروادیا گیا ہے ، بم ڈسپوزل سکواڈ فیکٹری کے ارگرد کے علاقے کو چیک کررہاہے