اسلام آباد (نیوزڈیسک)وفاقی وزیر ا طلاعات پرویز رشید نے الیکشن ٹربیونل لاہور کے فیصلے کوسپریم کورٹ میں چیلنج کرنے کا اعلان کرتے ہوئے کہا ہے کہ ٹربیونل کا فیصلہ متعصبانہ ہے ¾فیصلے میں الیکشن کمیشن کو ذمہ دار ٹھہرایا گیا (ن) لیگ کو سزا اور پی ٹی آئی کو کلین چٹ دیدی گئی ¾ ایاز صادق اور خواجہ سعد رفیق کے حلقے میں انتخاب ہوا تو ہری پور والی تاریخ دہرائیں گے ¾عمران خان کنٹینر پر منرل واٹر پیتے رہے ¾ لوگوں کو ایمبولینس بھی نہیں ملی۔مسلم لیگ (ن )کے کارکنوں کے اعزاز میں منعقدہ تقریب کے بعد میڈیا سے بات کرتے ہوئے وفاقی وزیر اطلاعات و نشریات پرویز رشید نے کہاکہ عمران خان کو کم ووٹوں سے شکست پر تسلی نہیں ہوتی ایاز صادق اور خواجہ سعد رفیق کے حلقے میں انتخاب ہوا تو ہری پور والی تاریخ دہرائیں گے۔انہوں نے کہا کہ ملتان میں پی ٹی آئی کے جلسے کے دوران لوگ مرتے رہے تاہم قیادت کنٹینر سے نیچے ہی نہیں اتری۔ عمران خان کنٹینر پر منرل واٹر پیتے رہے اور لوگوں کو ایمبولینس بھی نہیں ملی۔وزیراطلاعات نے کہا کہ عمران خان کی جماعت میں ڈکٹیٹر شپ ہے اسی لیے انہیں کہیں کامیابی نہیں ملتی پرویز رشید نے ہری پور ضمنی الیکشن جیتنے پر وزیراعظم کی طرف سے پارٹی کارکنوں کا شکریہ ادا کیاپرویز رشید نے کہاکہ تحریک انصاف اور مسلم لیگ (ن )کے درمیان انصاف نہیں تعصب کا مظاہرہ کیا گیا۔فیصلہ لکھنے والے منصف نے خود نمائی کو پیش نظر رکھا۔سپریم کورٹ سے فیصلہ لیں گے کہ تعصب کیوں برتا گیاپاکستان کا قانون ہمیں اجازت دیتا ہے کہ الیکشن ٹریبونل کے فیصلے کے خلاف بڑی عدالت جائیں۔ اس موقع پر وزیراعظم کے پولیٹیکل سیکرٹری آصف کرمانی نے کہا کہ ہم ہری پور کے عوام کے مسائل سے بخوبی آگاہ ہیں اور انہیں حل کرنے کیلئے ہر ممکن کوششیں کریں گے۔